Sunday, September 25, 2011

أزمة ميناء السخنة ما بين الحقيقة والتهويل

تصاعدت وتيرة الأزمة بين عمال ميناء السخنة وبين شركة مواني دبي التي تدير الميناء، وحيث تصادف أنني لذي بعض المصادر بداخل الميناء فقد ارتأيت تقصي الحقيقة وتوخي الدقة في نقل تلك الأحداث وعلى الله التكلان.

بدأت الأزمة منذ عدة شهور حينما قام العمال بإضرابهم الأول نظرا لسوء أحوالهم آنذاك وتم التفوض معهم من قبل إدارة موانيء دبي والوصول إلى اثني عشرة مطلب إتُفق علي تنفيذها كما صرح لي أحد العاملين بشركة تعمل في الميناء، والعهدة على الراوي،  وتم تحقيق عشرة مطالب (لم يخبرني ما هي) وبقي اثنان وهما:
١- بدل مخاطر عمل وكما أخبرني شخص يعمل بشركة موانيء دبي حاليا، وتتدرج مبالغ البدل ما بين نسبة ١٢٪ من المرتب للعاملين على المكاتب إلى ٣٠٪ لسائقي الأوناش، وذلك أسوة بالعاملين بميناء شرق التفريعة.
٢- مكافأة نهاية خدمة توازي مرتب ٢٥ شهر من شامل آخر مرتب شهري.

حينما مر الوقت ولم يتم تنفيذ ذانك المطلبين بدأ العاملون إضرابهم الثاني منذ عدة أيام والذي كان من الممكن احتواؤه من قبل الإدارة كما تم في الإضراب الأول لولا تعسف بعض الأطراف منهم مدير الموارد البشرية الجديد بالشركة ومنهم بعض العاملين الذين يريدون مساواة مرتباتهم بالعاملين بالشركة داخل مدينة دبي نفسها.

في صباح اليوم ٢٥ سبتمبر ٢٠١١ وعند ذهاب العاملين إلى الميناء طلبت منهم إدارة الشركة التوقيع على إقرارات بعدم الإضراب وبسرعة معينة في العمل وتم رفض تلك الإقرارات من القائمين بالإضراب وذهبوا لعمل محاضر يتهمون فيها إدارة الشركة بمنعهم من الدخول في حين وافق بعض الموظفون الآخرون وبقوا ولكن إدارة الشركة قامت بإدخالهم إلى مقار أعمالهم بدون التوقيع على الإقرارات.

قامت إدارة الشركة بعرض حلين كلاهما مر على هيذة المواني:
١- إغلاق الميناء لمدة شهرين للصيانة وحتى يتم حسم الخلاف. (إغلاق الميناء معناه خسارة دخل قومي يومي للجمارك يتخطى العشرة ملايين جنيه إلى جانب الخسارة المحققة لشركات الإستيراد والشحن والتخليص الجمركي والنقل)
٢- القيام باستجلاب عمالة أجنبية من الخارج. (معناه تشريد حوالي ١٢٠٠ عامل إلى جانب تهييج الرأي العام والوقت والظروف لا يسمحان بذلك)

بالطبع رفضت هيئة المواني الحلين في الوقت الذي قام فيه العاملون بالتوجه لمبنى المحافظة للاستنجاد بالمحافظ، وظهرت بوادر لحل الأزمة بعد قيام محافظ السويس بالتدخل والتفاوض مع الطرفين للوصول لحل وسط حيث عادت وردية الليل للعمل في الميناء أثناء كتابة هذه السطور.

حقائق سريعة:
  1. يعتبر ميناء السخنة أول ميناء مميكن بالكامل من نوعه في المنطقة الجغرافية المحيطة.
  2. يبلغ صافي مرتب العامل بالميناء أكثر من ١٨٠٠ (ألف وثمانمائة) جم شهريا.
  3. يبلغ مرتب سائق الونش بالميناء إلى حوالي ٤٠٠٠ (أربعة آلاف) جم شهريا إلي جانب "حلاوة/عمولة" نقل كل حاوية من صاحب المصلحة.


Friday, September 9, 2011

أحداث الجمعة 9/9 #IsraeliEmbassy #Sep9

أعتقد إن الامن الوطني بدأ الأحداث أمام الوزارة وزق ناس يحركو الأحداث عند السفارة بمعاونة الجيش وبعدين ولع في مديرية الأمن:- ‎

من يومين تلاتة ‎‏ حذر من خطط الداخلية اللي اتسربتلو، والنهاردة الجيش كان مأمن مساكن الظباط في الرماية تأمين شديد جدا (أنا معرفش الوضع بالنسبة لباقي مساكن الظباط) وده بيأكد النقطة الأولى من كلام وائل:





وشوفنا امبارح فيديو عربيات الأمن المركزي تنزل ناس بلبس مدني عند المتحف :
http://www.youtube.com/watch?v=A85ti9OjDGU


-النهاردة واحنا رايحين التحرير عدينا من شارع مجلس الشعب جنب وزارة الداخلية، لقينا الألتراس رايحين عليها، ركنا ونزلنا رحنا معاهم، والشهادة لله هما محدفوش حتى طوبة على مبني الوزارة لكن كانو بيغنو الأغاني الحماسية بتاعتهم اللي فيها شتيمة في العادلي والظباط، وفيه جزء من الأغاني دي أنا عملتله برود كاست بعد كدة أما رجعنا كلنا عالميدان هحاول أبقى أحط اللينك بتاعه هنا، المهم بعد فترة طويلة جدا واحنا في الميدان عرفنا من مهند إن فيه قلق عند الوزارة فرجعنا على هناك لقينا ناس عمالة ترمي طوب على مبنى الوزارة وبيرزعوا جامد قوي عالأبواب وكان فيه ناس بيبصوا من مبنى الوزارة أما جيت أصورهم دخلوا جوة لما شافوني بالكاميرا بالزوم، مافيش إلا واحد بس فضل تقريبا كان عسكري مالوش في حاجة


النهاردة  ‏ صور اتنين مختلطين بالناس عاملين خناقة وشغب عند الوزارة ولما الحريقة حصلت جوة ندهو عليهم ودخلوا جوة الوزارة:


النهاردة ‎‏ قال انه شاف الجيش شاب الناس تطلع السفارة لحد ماتصورو، وبعدين أكد إن الداخلية هم اللي ولعو المديرية 


 وبعدين ‏ بعتلي الأبديت ده:



-ممكن نتخيل إن فيه عوامل محفزة وتسخين من بعض العملاء لتوجيه بعض الناس للسفارة وإشعال الشرارة الأولى لزيادة الاعداد.

-وادي كمان فيديو لواحد كان هناك في السفارة بيقول في الدقيقه 1.15 ثانية أحنا سلمنا كل حاجه للجيش الجيش دي القيادة بتاعتنا:
http://www.youtube.com/watch?v=7fTcadEUeUU&feature=share



-وادي كمان شهادة من @Shalabawi اللي كان هناك:
http://shalabydiaries.blogspot.com/2011/09/blog-post.html
 وده جزء منها :
"
أخيرا و ليس آخرا ما حدث ليل التاسع من سبتمبر هو ما تم تحذيرنا منه و هى مواجهة البلطجية، و لكن اليوم كانت مواجهة من نوع خاص بأن تراشقوا معنا فى الصفوف و بدأوا في استفزاز الشرطة، بالطوب و المولوتوف ، و تطور الأمر أن أطلق أحدهم - بينما أنا واقف فى جبهة الشرطة - علينا طلقة خرطوش فأصابتنى في خدى الأيسر و أصابت جندي بجوارى في كتفه.

هذه شهادتي علي هذا اليوم ،"




-ودي شهادة @manoly252011  اللي برده كان موجود عند السفارة من 10 بالليل:
manoly-manoly-mido

وده جزء منها: "
كان فى حوالى 4فى الدور الرابع من فوق فى العمارة اللى فيهاالسفارة واقفين بأعلام مصر , بدأنا نلاقى ورق بيترمى من الدور دة بعض يخص السفارة ,منه ورق رخصة حيازة سلاح للملحق بالسفارة.. وبعضه ورق فاضى ملوش أى لازمة

سمعنا صوت ضرب فى الهوا ولقينا دخان كبير كتير طالع من ناحية سفارة السعودية روحت هناك لقيت الامن المركزى اللى فى الشارع اللى جنب السفارة مش موجود ولقيت ناس خارجة من الشارع وبتقول عربيتين امن مركزى اتحرقو ولقينا الجيش خارج بيخرج الناس من الشارع دة ووقف عند سفارة السعودية بيحمى السفارة

رجعت تانى عند الكوبرى سمعت ان فى حرق عربيات عند مديرية أمن الجيزة وبيقولو ولعو فى عربيات امن مركزى هناك
كانت الساعة تقريباوصلت 1 الصبح سمعنا صوت قنابل غاز بتضرب من الشارع اللى فيه سفارة السعودية نزلت من الكوبرى ووقفت فى الشارع اللى فى وش سفارة السعودية لقينا الناس بترجع تجرى وفى ضرب كتير من الامن المركزى وناس كتير بتجرى"





-ده سردي لشهادات الناس وشهادتي وتحليلي البسيط لأحداث اليوم، أنا كنت حسن النية وقلت الأمن الوطني ومقلتش المخابرات عشان أنا قلبي طيب وحنين والله المستعان...

الله..الوطن